U Śvisłačy znajšli cieła 26-hadovaha chłopca. Heta były milicyjanier, jaki zvolniŭsia ŭ 2020-m
1 krasavika ŭ kanale Tavarystva ratavańnia na vodach źjaviłasia paviedamleńnie, što dniom 30 sakavika ŭ Minsku pry pryviadzieńni pošukavych rabot u Śvisłačy byŭ znojdzieny trup patanułaha mužčyny 1998 hoda naradžeńnia. Ciapier stała viadoma, što heta byŭ za čałaviek.
16.04.2024 / 19:38
Za dva dni da znachodžańnia cieła ŭ race, 28 sakavika, u sacsietkach pošukava-vyratavalnaha atrada «Anhieł» źjaviłasia paviedamleńnie pra źniknieńnie Maksima Alehaviča Zubarava 1998 hoda. 25 sakavika jon znachodziŭsia niepadalok ad doma 58, korpus 1 pa praśpiekcie Niezaležnaści, a paśla pajšoŭ adtul u nieviadomym kirunku i pierastaŭ vychodzić na suviaź.
Tapielec, znojdzieny ŭ race, jakraz i akazaŭsia Maksimam Zubaravym. Nam stała viadoma, što jon były milicyjanier, jaki pracavaŭ u Dokšyckim RAUS, ale ŭ 2020 hodzie zvolniŭsia adtul padčas narodnych pratestaŭ.
Paśla zvalnieńnia chłopiec pierajechaŭ u Minsk, dzie pracavaŭ taksistam i vučyŭsia na ajcišnika.
Što ź im adbyłosia 25 sakavika, pakul nieviadoma.