У Кітаі выпусцяць копію Tesla Cybertruck для дзяцей
Tesla China афіцыйна абʼявіла аб запуску мадэлі пікапа Cybertruck для дзяцей. Прэзентацыя адбудзецца 23 красавіка.
19.04.2024 / 11:35
Фота: Tesla China
Электрамабіль мае форму, аналагічную Tesla Cybertruck, разлічаны на дваіх дзяцей і можа вытрымліваць максімальную нагрузку 68 кілаграмаў.
Ён абсталяваны святлодыёднымі фарамі і заднімі ліхтарамі, а запас ходу складае 19 кіламетраў. Хуткасць аўтамабіля можна рэгуляваць у межах ад 4 км/г да 8 км/г.
Цана аўтамабіля пакуль невядомая.