Tranzit zbožža ź Biełarusi i Rasii praź Litvu rezka pavialičyŭsia
Rost nazirajecca na fonie ŭzmacnieńnia strohaści pravierak.
24.04.2024 / 15:45
Tranzit zbožža i karmoŭ ź Biełarusi i Rasii na jeŭrapiejskija rynki praź Litvu rezka pavialičyŭsia. Pra heta paviedamiła Dziaržaŭnaja charčovaja i vieterynarnaja słužba Litvy (BMBT), jakaja ažyćciaŭlaje pravierki na miažy.
Miesiac tamu na fonie zabarony na impart biełaruskaha i rasiejskaha zbožža litoŭskija ŭłady zrabili bolš strohimi pravierki. Śpiecyjalisty ŭdakładniajuć pachodžańnie zbožža, a taksama praviarajuć, ci nie ŭtrymlivaje jano zabaronienych u ES prymiešak.
«Paśla 18 sakavika my nazirajem 95-adsotkavaje źnižeńnie impartu z Rasii i Biełarusi ŭ Litvu, ale nazirajem rost uvozu zbožža ŭ Litvu dla impartu ŭ inšyja krainy JEZ», — raspaviała dyrektarka BMBT Aŭdronie Mikałaŭskienie BNS.
Z 1 studzienia pa 18 sakavika praź Litvu na rynki ES — Hiermanii, Danii, Francyi, Bielhii, Čechii i inšych krain — było pieravieziena 184 partyi zbožža, a z 18 sakavika pa 16 krasavika — 317 partyj.
Tranzit za miesiac pavialičyŭsia amal udvaja.
Łukašenka nazvaŭ 2023 hod «amal pravalnym» u sielskaj haspadarcy
Litva prapanavała ES uvieści impartnuju pošlinu na harodninu i rybu z Rasii i Biełarusi