Ekanamist Daniejka: Sacyjalnaja palityka Łukašenki nulavaja, i ja heta padtrymlivaju
Svaju acenku sacyjalnaj palityki, jakaja pravodzicca ŭ Biełarusi, u novym vypusku «Tok» daŭ ekanamist, administratyŭny dyrektar Centra ekanamičnych daśledavańniaŭ BEROC Pavieł Daniejka.
27.04.2024 / 20:11
Pad čas hutarki Pavieł Daniejka zaŭvažyŭ: «Sacyjalnaja palityka Łukašenki nulavaja, i ja heta padtrymlivaju».
U adroźnieńnie ad Jeŭropy, dzie panuje sacyjalizm ź jaho dapamohami pa biespracoŭi i inšymi formami sacyjalnaj padtrymki, sacyjalnaja palityka ŭ Biełarusi, na pohlad ekanamista, žorstkaja i blizkaja da ZŠA.
Heta jon ličyć pazityŭnym, bo ŭ takich umovach «pryvatny siektar zabiaśpiečvaŭ siabie i vyrašaŭ zadačy» i ŭ ludziej «sfarmiravałasia razumieńnie taho, što jany sami vyrašajuć, farmirujuć svajo žyćcio, dziaržava tut ni pry čym».
Daniejka zhadvaje, što niekali było padrychtavana daśledavańnie ab sacyjalnym kantrakcie Łukašenki ź biełaruskim hramadstvam.
«Vielmi važnym momantam hetaha sacyjalnaha kantraktu było raźvićcio pryvatnaha biznesu. Inšymi słovami: «my vas nie čapajem, u ramkach razumnaha zarablajcie, my tudy nie leziem».
Kali ž ty vyrastaŭ u vialiki biznes, to volaj-niavolaj pavinien byŭ vieści z uładami dyjałoh. Ale heta nie asablivaść Biełarusi. Takoje adbyvajecca ŭ luboj krainie. Kali ty bujny padatkapłacielščyk, to budzieš i ź miascovymi, i z centralnymi ŭładami vieści dyjałoh, bo ad ciabie zaležać i pracoŭnyja miescy, i sacyjalnyja vypłaty».
Ekanamist zaŭvažaje, što ŭ 2000-ch cisk na biznes byŭ rezka źnižany ŭ paraŭnańni z 1990-mi.
Hladzicie całkam:
Čym biełaruskija pradprymalniki adroźnivajucca ad ruskich i ŭkraincaŭ
Daniejka: U Nacbanku šmat prafiesijanałaŭ, jakija b mahli ruchać reformy
U jakim biznesie biełarusy najlepšyja? Mierkavańnie ekanamista Daniejki