Najmieniej piać čałaviek zatrymali siłaviki ŭ Baranavičach za pratesty 2020 hoda
Najmieniej piaciarych mužčyn zatrymali siłaviki ŭ Baranavičach, vynikaje z apublikavanaha HUBAZiKam videa.
29.04.2024 / 12:22
Na videa zatrymanyja havorać, što ŭdzielničali ŭ akcyi pratestu 9 žniŭnia 2020 hoda.
Pavodle infarmacyi «Miedyjazony», adzin z zatrymanych — Piotr Zinievič, jaki vyjšaŭ na volu pa amnistyi letaś.
U 2021 hodzie Zinieviča asudzili pa paklopie (artykuł 188 KK) i pryhavaryli da dvuch hadoŭ chimii. U studzieni 2023 hoda jon vyzvaliŭsia pa amnistyi.
Hołas za kadram pytajecca ŭ zatrymanych, što jany rabili 9 žniŭnia 2020 hoda. Piotr Zinievič adkazvaje, što prosta «išoŭ praz płošču».
Jašče adnaho zatrymanaha, pavodle infarmacyi «Miedyjazony», kličuć Źmicier Błaščanica.
Siłaviki pišuć, što suprać zatrymanych uzbudžany kryminalnyja spravy pa artykule 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i pahražajuć terminam da piaci hadoŭ zhodna z artykułam.
U Baranavičach pa «narodnym» artykule siońnia asudzili adrazu 17 čałaviek
U Baranavičach za padziei 2020 hoda zatrymali čatyroch čałaviek