U Rasii prapanavali praviarać seksualnuju aryjentacyju čynoŭnikaŭ
Ale ź mietadam pakul nie vyznačylisia.
30.04.2024 / 14:32
Alaksandr Chinštejn. Fota: Dziaržduma
Deputat rasijskaj Dziarždumy Alaksandr Chinštejn prapanavaŭ praviarać seksualnuju aryjentacyju čynoŭnikaŭ. Na jaho dumku, «zonami niedastupnaści pavinny być tyja ŭstanovy, struktury orhany ŭłady, jakija niepasredna źviazanyja z vychavańniem i farmiravańniem dziaciej, padletkaŭ i moładzi».
«Ja nie baču ŭ takoj praviercy ničoha zahannaha i drennaha. Abarona tradycyjnych siamiejnych kaštoŭnaściaŭ — adzin z pastułataŭ dziaržaŭnaj palityki, i da ludziej, jakija hetym zajmajucca, nieabchodna padychodzić asabliva ŭvažliva.
U mianie ŭ samoha dvoje dziaciej. I ja dakładna byŭ i budu suprać taho, kab chtości z nastaŭnikaŭ maich synoŭ pradstaŭlaŭ nietradycyjnyja seksualnyja kaštoŭnaści», — adznačyŭ Chinštejn u intervju oboz.info.
U pačatku krasavika Chinštejn abvinavaciŭ ministra moładzievaj palityki Samarskaj vobłaści Siarhieja Burcava ŭ tym, što toj źjaŭlajecca hiejem i «prapahanduje ŁHBT». U vyniku Burcavu pryjšłosia padać u adstaŭku.
Minkult Biełarusi adnios da parnahrafii demanstracyju nietradycyjnych adnosin
«Žury chacieła niejkaj dramy». ŁHBT-aktyvist ź Biełarusi vystupiŭ na papularnym polskim šou