Startuje prodaž novaj knihi dla dziaciej ad Andreja Skurko
Vydaviectva Gutenberg Publisher, jakoje pracuje ŭ polskim Krakavie, paviedamiła pra prybyćcio z drukarni nakładu novaj knihi Andreja Skurko. Prodaž jaje startuje z 1 traŭnia.
30.04.2024 / 22:55
Havorka pra knižku-kardonku dla samych maleńkich ad Andreja Skurko z nazvaj «Stuki-hruki — što za huki: vieršy pra instrumienty».
Kniha składajecca z 12 historyj pra instrumienty, jakija prailustravała mastačka Vola Kuźmič. Usie instrumienty, siarod jakich małatok, ruletka, dryl, rubanak i inšyja, atrymali imiony, jakija možna budzie znajści na staronkach knižki.
Stuki-hruki —
Što za huki?
Małatok ja ŭziaŭ u ruki.
Jon vialiki i ciažki.
Ja idu šukać ćviki!
Taksama maleńkija čytačy daviedajucca, čamu zajcam zabaranili pranosić u rejsavyja aŭtobusy adkrutki, navošta kot schapiŭsia za dryl i chto moža pierakusić žalezny drot, padsiłkavaŭšysia kašaj.
Užo prosta ciapier «Stuki-hruki — što za huki: vieršy pra instrumienty» Andreja Skurko možna nabyć za 55 złotych (kala 13 jeŭra) na sajcie vydaviectva.
«Siońnia my ŭ mietro pajedziem». Novy dziciačy vierš ad Andreja Skurko
Novy dziciačy vierš Andreja Skurko — pra vietlivaść. I jon karysny dla treniroŭki vymaŭleńnia
Novy dziciačy vierš Andreja Skurko «pra nadzionnaje» — pra dziciačyja sopielki
Novyja vieršy Andreja Skurko, ilustravanyja štučnym intelektam