10 траўня стартуе продаж новага рамана Бахарэвіча
10 траўня а 11-й гадзіне ў кнігарні «Кнігаўка» ў Варшаве стартуюць продажы новага рамана Альгерда Бахарэвіча «Капітан Лятучая Рыба».
07.05.2024 / 17:49
Кнігарня «Кнігаўка» месціцца ў Варшаве на вуліцы Клапатоўскага (Kłopotowskiego), д. 4.
З 16-й да 18-й гадзіны кожны ахвотны зможа атрымаць у кнігарні гэтую кнігу з рук яе ілюстратара — знакамітага музыкі Лявона Вольскага. Будзе магчымасць распытаць Лявона пра тое, як вялася праца над кнігай, а таксама падпісаць яе.
Для Альгерда Бахарэвіча гэта першы авантурны раман. «Капітан Лятучая Рыба» стане выдатным чытаннем на гэты цёплы час, паколькі раман напоўнены прыгодамі і падарожжамі. З кнігі вы даведаецеся, напрыклад, як вандраваць па свеце так шмат, як і героі твора, або як з мінімальнымі высілкамі падрабіць уласны пашпарт.
Янушкевіч пачаў прадаваць электронныя версіі кніг
У маі выйдзе культавы раман Стывена Кінга па-беларуску і яшчэ дзве кнігі