Źbiehłaha sudździu Šmita ŭ Polščy zavočna aryštavali na 3 miesiacy
Jon mieŭ dostup da 37 spraŭ ź dziaržtajamnicaj.
15.05.2024 / 14:30
Tomaš Šmit u biełaruskim kafe. Fota: jaho telehram-kanał
Źbiehły ŭ Biełaruś sudździa Tomaš Šmit u Polščy budzie zavočna aryštavany na try miesiacy.
Takoje rašeńnie pryniaŭ Varšaŭski sud pa pradstaŭleńni prakuratury, piša wiadomosci.wp.pl.
Šmit, jaki da ŭciokaŭ pracavaŭ sudździoj Vajavodskaha administracyjnaha suda Varšavy, raniej byŭ pazbaŭleny imunitetu.
Jamu vystaŭlena abvinavačańnie ŭ supracoŭnictvie z zamiežnaj raźviedkaj — hety artykuł praduhledžvaje pakarańnie až da pažyćciovaha źniavoleńnia.
Pa danych vydańnia Rzeczpospolita, Šmit pa słužbie ŭdzielničaŭ u 37 spravach, źviazanych z sakretnymi dadzienymi. Pry hetym nie idzie havorki pra niejkija sakretnyja płany NATO abo anałahičnyja dakumienty Polščy.
U fajłach, da jakich atrymlivaŭ dostup Šmit, źmiaščałasia asabistaja infarmacyja pra aficeraŭ polskich śpiecsłužbaŭ — ich siamiejnaje stanovišča, schilnaści i intaresy. Takaja infarmacyja moža być vielmi kaštoŭnaj dla raźviedak Biełarusi i Rasii.
Tomaš Šmit uciok u Biełaruś 6 maja. Jon daŭ u Minsku pres-kanfierencyju, na jakoj abviaściŭ, što maje namier zapytać u Biełarusi palityčny prytułak.
Polskija śpiecsłužby miarkujuć, što Šmit niekalki hadoŭ kantaktavaŭ ź biełaruskaj raźviedkaj i rasijskimi ahientami ŭ Polščy.
Źbiehłaha polskaha sudździu, imavierna, pasialili ŭ Drazdach
«Padpisali treci padzieł Rečy Paspalitaj». Biehły polski sudździa naviedaŭ Hrodna
U Polščy raskazali, jak sudździa Šmit zajechaŭ u Biełaruś. Turcyja ni pry čym
«Na jaho žyćcio palujuć ahienty CRU, a jon hulaje pa Minsku, prosta sarvihałava»
Łukašenka zajaviŭ, što polskaha deziercira Čečku zabili