SBU ranicaj naniesła ŭdary pa vajennym aeradromie na Kubani
Na hetym aeradromie znachodzilisia dziasiatki roznych samalotaŭ, jakija atakujuć ukrainskija pazicyi na froncie: Su-34, Su-25, Su-27, MiH-29.
19.05.2024 / 15:22
Drony SBU ŭdaryli pa aeradromie i NPZ u Rasii / Kałaž UNIAN, fota Astra, fota Hienštab USU
Ułady Krasnadarskaha kraju paviedamili ab napadzie ŭkrainskich bieśpiłotnikaŭ na adzin z raźmieščanych u rehijonie naftapierapracoŭčych zavodaŭ.
Pavodle infarmacyi krynic Ukrainskaj słužby Bi-bi-si, drony Słužby biaśpieki Ukrainy (SBU) nanieśli ŭdary pa vajennym aeradromie ŭ stanicy Kuščeŭskaja i Słavianskamu NPZ u Krasnadarskim krai.
«Pa aeradromie jany adpracavali sumiesna ź Siłami bieśpiłotnych sistem USU, — raspaviała krynica. — Na hetym aeradromie znachodzilisia dziesiatki roznych samalotaŭ, jakija atakujuć ukrainskija pazicyi na froncie: Su-34, Su-25, Su-27, MiH-29».
Ab tym, nakolki vynikovymi akazalisia hetyja ŭdary, infarmacyi pakul niama. Rasijskija ŭłady ab udarach pa Kuščaŭskaj nie paviedamlali.
Kiraŭnictva Słavianskaha NPZ zajaviła, što paśla niekalkich hučnych prylotaŭ zavod spyniŭ pracu, i zaraz pravodzicca acenka paškodžańniaŭ.
Pa danych krynicy, heta ŭžo druhaja ataka dronaŭ SBU na vajenny aeradrom u Kuščaŭskaj i Słavianski NPZ za apošnija try tydni. Tady na aeradromie było paškodžana niekalki samalotaŭ, a na NPZ byli paškodžany rektyfikacyjnaja i atmaśfiernaja kałony.
Pa NPZ u Krasnadarskim krai prylacieli adrazu šeść dronaŭ
Słavianski NPZ u Krasnadarskim krai prypyniŭ pracu paśla padzieńnia bieśpiłotnikaŭ
Minabarony RF: Nad Krymam za noč źbili 9 rakiet ATACMS i 57 dronaŭ nad Krasnadarskim krajem