Tusk źbirajecca adnavić pracu pamiežnaha punkta «Babroŭniki»
Premjer Polščy Donald Tusk na mitynhu ŭ Biełastoku zajaviŭ, što Polšča moža adnavić pracu pamiežnaha punkta «Babroŭniki» («Bierastavica») na miažy ź Biełaruśsiu, paviedamlaje RMF24.
24.05.2024 / 21:56
Skrynšot ź videa
«U najbližejšy čas razhledzim mahčymaść adkryćcia pamiežnaha pierachodu «Babroŭniki» dla pasažyrapatoku. Ja całkam padtrymlivaju heta! Adnak adrazu ahavarusia, što ja nie prymu takoha rašeńnia, kali ŭ vajskoŭcaŭ i pamiežnikaŭ budzie adnaznačna admoŭnaje mierkavańnie, što heta moža akazać niehatyŭny ŭpłyŭ na našu biaśpieku», — skazaŭ Tusk.
Rašeńnie, pavodle jaho, moža być pryniata ciaham niekalkich dzion. Adkryćcio hetaha pamiežnaha punkta, na jaho dumku, mahło b razbłakavać značnuju častku polskaha małoha i siaredniaha biznesu, źviazanaha z tavaraabarotam pamiž Biełaruśsiu i Polščaj.
Pry hetym jon zaklikaje nie traktavać hety mahčymy krok jak revierans u bok biełaruskaha režymu
Ci vyhadna ciapier jeździć na zakupy ŭ Polšču i Litvu?
«Zakryvajučysia ad biełarusaŭ, Zachad mižvoli šturchaje ich da Rasii»