U Polščy zatrymali jašče troch biełarusaŭ, jakija nibyta dapamahali nielehalnym mihrantam
U minułyja vychadnyja polskija pamiežniki i supracoŭniki palicyi zatrymali troch hramadzian Biełarusi, jakija «sprabavali pieravieźci ludziej uhłyb Zachodniaj Jeŭropy paśla niezakonnaha pierasiačeńnia polska-biełaruskaj miažy», paviedamiła pamiežnaja achova Polščy.
27.05.2024 / 19:51
Abstaviny i miescy zatrymańnia biełaruskich hramadzian nie ŭdakładniajucca.
Adznačajecca, što arhanizacyja i sadziejničańnie ŭ arhanizacyi niezakonnaha pierasiačeńnia miažy karajucca pazbaŭleńniem voli na termin da vaśmi hadoŭ. U toj ža čas u dačynieńni da ŭsich inšaziemcaŭ, zatrymanych za dapamohu i padbuchtorvańnie, jakija na hety momant žyvuć na zakonnych padstavach u Polščy, zavodzicca administracyjnaja sprava z metaj vyniasieńnia rašeńnia, jakoje abaviazvaje ich viarnucca ŭ krainu pachodžańnia. Taksama takim ludziam moža być zabaronieny ŭjezd u krainy Šenhienskaj zony na termin ad 5 da 10 hadoŭ.
Uvohule na ŭčastku polska-biełaruskaj dziaržaŭnaj miažy, jaki achoŭvajecca Padlašskim pamiežnym atradam, sioleta było zatrymana 176 pamočnikaŭ i arhanizataraŭ niezakonnaha pierasiačeńnia miažy.
23-hadovaha biełarusa departavali z Polščy ŭ Biełaruś
Mihrant skraŭ racyju ŭ polskaha pamiežnika na biełaruska-polskaj miažy
140 mihrantaŭ sprabavali prarvacca ź Biełarusi ŭ Polšču. Nie atrymałasia — VIDEA
Mihranty na biełaruska-polskaj miažy padpalili pamiežny znak