Łukašenku pakazali novyja ajčynnyja siakiery «MTZ-Haryzont»

Alaksandru Łukašenku padčas jaho rabočaj pajezdki ŭ Oršu pradstavili siakiery biełaruskaj vytvorčaści. Raniej jon daručyŭ asvoić vypusk takoj ajčynnaj pradukcyi, piša BiełTA

29.05.2024 / 11:17

Fota: Puł pieršaha

Alaksandr Łukašenka ŭvažliva ahledzieŭ siakiery i paabiacaŭ aprabavać ich. Adnačasova jon pastaviŭ zadaču pierad pramysłoŭcami — užo na praciahu hoda asvoić vytvorčaść takich tavaraŭ, nieabchodnych dla pracy z draŭninaj.

«Heta hańba, što my bolš za pałovu (ad terytoryi krainy) majem lasy i ŭsio zavozim. Jašče adno jamu daručeńnie. Jon (vice-premjer Piotr Parchomčyk) usio dla lesu pavinien rabić tut. Kali nie mohuć niešta dla bienzapiły vyrabić— na pieršych etapach zakupim. Tamu na praciahu hetaha hoda jon pavinien pačać heta rabić. Jašče hetaha nie chapała kuplać», — daručyŭ Łukašenka.

Fota: Puł pieršaha

Taksama jon daručyŭ uziać hetaje pytańnie na kantrol KDK, bo takoj pradukcyi zakuplajecca štohod na miljony dalaraŭ.

@nashaniva Čamu maładoha dyrektara «Lehmaša» na sustreču z Łukašenkam adzieli ŭ formu? #biełaruś #našaniva #biełarusy #łukašienko #aleksandrłukašienko #orša ♬ Suspense Thriller - Nitesail

Stała viadoma, za što Łukašenka hramiŭ «aŭtarskija prahramy» na telebačańni

«Niekatoryja zorku złavili. Vyjści na ekran, łajučy ŭsio…». Na kaho z prapahandystaŭ namiakaŭ Łukašenka?

Pucin: na žal, Łukašenka pakul nie kamanduje ŭkrainskaj armijaj

Nashaniva.com