Milicyja nakryła ŭ Barysavie dzień naradžeńnia — paŭtara dziasiatka niepaŭnaletnich pili harełku. Małodšaj było 12 hadoŭ
Siłaviki pryjšli na viečarynku ŭ pryvatnym domie.
30.05.2024 / 14:59
Fota: UUS Minabłvykankama
U Barysavie milicyja pryjšła ŭ dom, dzie kampanija padletkaŭ śviatkavała dzień naradžeńnia siabra.
Viečarynka nie abyšłasia biez ałkaholu. Pry hetym 14 padletkaŭ byli niepaŭnaletnimi, samaj małodšaj udzielnicy dnia naradžeńnia było 12 hadoŭ. U kampanii byŭ tolki adzin paŭnaletni — jon arandavaŭ dom i kuplaŭ ałkahol.
Abłasnaja milicyja paviedamlaje, što ŭsie padletki ad 12 da 17 hadoŭ znachodzilisia ŭ stanie ałkaholnaha apjanieńnia. Inśpiekcyja pa spravach niepaŭnaletnich užo pravodzić pravierku. U videa, apublikavanym milicyjaj, padletki pryznajucca, što vypili pa 5-7 čarak harełki.
Taksama siłaviki praviarajuć ułaśnika doma. U videa jon śćviardžaje, što zdaŭ dom 18-hadovamu chłopcu. Pry hetym 12-hadovaja dačka ŭłaśnika ŭdzielničała ŭ viečaryncy i vypivała.