Labiedźka raskazaŭ, pry jakich troch umovach źniknie lehitymnaść Śviatłany Cichanoŭskaj
Daradca Śviatłany Cichanoŭskaj pa parłamienckim supracoŭnictvie i kanstytucyjnaj reformie Anatol Labiedźka zapisaŭ videa, u jakim vykazaŭ pohlad na jaje lehitymnaść.
31.05.2024 / 16:10
Śviatłana Cichanoŭskaja. Fota Ofisa Cichanoŭskaj
Palityk pierakanany, što ŭ 2025 hodzie «prapahandysty, spuščanyja z łancuha Łukašenkam i Pucinym», buduć atakavać lehitymnaść Cichanoŭskaj — Tak, jak jany ciapier heta sprabujuć zrabić u dačynieńni lehitymnaści prezidenta Ukrainy Uładzimira Zialenskaha.
«Mety i lakały adny i tyja ž», — zaŭvažaje palityk i zaklikaje da hetaha pastavicca spakojna. Jak jon tłumačyć, «demakratyčnaja viertykal Cichanoŭskaj nie idealnaja, ale heta aptymalnaja madel uzajemadziejańnia i kiravańnia va ŭmovach vajny. U jaje asnovie lehitymnaść, jakuju Cichanoŭskaja atrymała ŭ 2020 hodzie».
Labiedźka nahadvaje: «Jak minimum 2 909 478 addali joj svoj hołas. U realnaści — našmat bolš».
Palityk zadajecca pytańniem, chto jašče moža atrymać takuju padtrymku ŭ bližejšaj pierśpiektyvie, i śćviardžaje, što «adkaz vidavočny». Pa jaho słovach, heta pakazali vybary ŭ Kaardynacyjnuju radu.
Labiedźka nazyvaje try mahčymyja padstavy zakančeńnia lehitymnaści Cichanoŭskaj:
«Pa-pieršaje, kali projduć novyja vybary. Pa-druhoje, kali — nie daj Boh — zdarycca fizičnaje źniščeńnie Cichanoŭskaj. Pa-treciaje, kali jana dobraachvotna pojdzie z palityki».
Labiedźka patłumačyŭ, čamu ličyć Bałkunca papulistam i pravakataram
Labiedźka — pra Šejmana, Kačanavu, vorahaŭ pa apazicyi i toje, chto voźmie ŭładu Łukašenki
Labiedźka: Hajdukievič — heta palityčny botaks biełaruskaj palityki