Расія хоча стварыць у Беларусі сэрвісныя цэнтры для авіятэхнікі
Расійскі бок прапрацоўвае магчымасць стварэння на тэрыторыі Беларусі пляцовак для рамонту і сэрвіснага абслугоўвання пастаўленай у краіну расійскай авіятэхнікі. Пра гэта ішла размова на Іркуцкім авіяцыйным заводзе, які наведвае Аляксандр Лукашэнка, піша БелТА.
05.06.2024 / 08:43
Фота: БелТА
На заводзе, дзе таксама вырабляюць самалёты і для беларускіх вайскова-паветраных сіл, Лукашэнка азнаёміўся з вытворчасцю вайсковай авіяцыйнай тэхнікі і зборкай пасажырскага лайнера МС-21.
На прадпрыемстве падкрэслілі, што яны нацэлены на пашырэнне вытворчай кааперацыі з беларускімі авіяцыйнымі прадпрыемствамі.
Больш за тое, аб'яднаная авіябудаўнічая карпарацыя рэалізуе праграму імпартазамяшчэння і нарошчвання тэмпаў вытворчасці. У сувязі з гэтым развіццё супрацоўніцтва з партнёрамі з Беларусі набывае больш важнае значэнне.
Акрамя гэтага, прапрацоўваецца магчымасць стварэння на тэрыторыі Беларусі пляцовак для рамонту і сэрвіснага абслугоўвання пастаўленай расійскай авіятэхнікі.
Лукашэнка падарыў мангольскаму прэзідэнту трактары, а сам атрымаў мангольскіх скакуноў
Як будзе выглядаць першы беларуска-расійскі самалёт