Žycharka Hrodna pakazała, jak vyhladaje dačny domik paśla ŭdaru małanki
Zdaryłasia heta 2 červienia padčas navalnicy.
07.06.2024 / 10:38
Skryny videa ŭ tyktoku
«Zhareła całkam usia pravodka, vybuchnuŭ ličylnik, vybuchnuŭ ščytok elektryčny na vulicy», — raspaviała ŭ videa ŭ tyktoku Jarasłava Hałavienka i pakazała, što stała z domikam u Hrodnie.
Taksama całkam razvaliłasia dymachodnaja truba. Askiepki ad cahlin valajucca na ŭsioj terytoryi ŭčastka i na susiednich. Jak kaža hrodzienka, małanka ŭdaryła mienavita ŭ ich dom, ale pravodki paciarpieli i ŭ inšych damach pobač. U niekatorych taksama vybuchnuli ličylniki.
Mama dziaŭčyny žyvie na leciščy, adnak u dzień, kali ŭsio zdaryłasia, jaje tam nie było: žančynu zabrali ŭ horad dahladać unuka.
Dom unutry ababity vahonkaj, šmat tekstylu. Cud, što nie zhareŭ, ličyć hrodzienka.
Ciapier na miescy ŭdaru małanki na dachu skraznaja dzirka.
Dačny domik nie byŭ zastrachavany, tamu ramantavać daviadziecca za svoj košt.
Siońnia nad Minskam bačyli vichor. Sinoptyki rastłumačyli, z čym heta źviazana
U Breście siońnia byŭ sapraŭdny patop FOTA i VIDEA
Častku Minska nakryła zaleva VIDEA