Paśla padklučeńnia da internetu karennyja žychary Amazonki trapili ŭ pornazaležnaść
Plemia maruba z Brazilii sotni hadoŭ izalavana žyło ŭ džunhlach uzdoŭž raki Itui — adnaho z prytokaŭ Amazonki. Uvosień minułaha hady ŭ ich vioscy z nasielnictvam kala 2000 čałaviek ustalavali 20 spadarožnikavych talerak ad kampanii Starlink.
08.06.2024 / 15:32
Spačatku maruba byli rady, bo atrymali mahčymaść apieratyŭna vyklikać ratavalnikaŭ i daktaroŭ abo razmaŭlać sa svajakami, jakija źjechali ŭ horad. Adnak praz paŭhoda starejšyny zabili tryvohu, piša Bild.
Maładyja ludzi stali lenavacca i pravodzić pałovu dnia ŭ hamakach sa smartfonami. Mnohija trapili ŭ zaležnaść ad porna, choć u tradycyjnaj kultury indziejcaŭ zabaroniena navat całavacca na ludziach. Mužčyny palubili stralałki.
U vyniku starejšyny zabaranili karystacca internetam bolš za dźvie hadziny ranicaj i piać hadzin viečaram.
«Kali vy nie palujecie, nie łovicie rybu i nie vyroščvajecie raśliny ŭ vioscy, vam niama čaho budzie jeści», — papiaredziŭ miascovy aksakał Enoch Maruba.
Žycharka Baranavičaŭ uziała na vučobie akademičny adpačynak, kab zarabić na porna
Minskija školniki zdymali i pradavali porna