Muraviejka: Armija Biełarusi hatovaja da prymianieńnia jadziernaj zbroi
Padraździaleńni biełaruskaj armii ŭdzielničajuć u sumiesnych jadziernych vučeńniach z Rasijaj.
12.06.2024 / 15:40
Kompleks «Iskander-M». Fota: Minabarony
Načalnik Hienštaba Biełarusi Pavieł Muraviejka raskazaŭ pra chod sumiesnych z Rasijaj vučeńniaŭ pa vykarystańni jadziernaj zbroi.
U ramkach zaniatkaŭjo kompleksy «Iskander» skiravalisia ŭ pryznačanyja rajony, atrymali bojeprypasy ź jadziernymi bojehałoŭkami, prystykavali ich da bajavych častak i zaniali startavyja pazicyi, zastupiŭšy na bajavoje dziažurstva pa pryznačanych celam.
Anałahičnyja zadačy vykonvała i avijacyja. Pryčym, pa słovach Muraviejki, kamandziry źvionaŭ nibyta da apošniaha momantu nie viedali, chto atrymaje prava adpracavać vučebna-bajavyja zadačy, i ź jakoha aeradroma budzie pracavać avijacyja, paviedamlaje Minabarony.
Načalnik Hienštaba zajaviŭ, što ŭsie kantrolnyja narmatyvy byli vykananyja.
«Vyniki my padviadziem, ale ŭžo ciapier mahu z upeŭnienaściu zajavić: padraździaleńni i čaści Uzbrojenych Sił Biełarusi da prymianieńnia śpiecyjalnaj jadziernaj zbroi hatovyja», — zajaviŭ Muraviejka.
Pavodle jaho słoŭ, takija treniroŭki i adpracoŭka važnych pytańniaŭ pa ŭžyvańni niestratehičnaj jadziernaj zbroi źjaŭlajucca adnym sa sposabaŭ pavyšeńnia hatoŭnaści i patencyjału.
Šajhu: Rasijska-biełaruskija jadziernyja vučeńni — reakcyja na dziejańni Zachadu
U Biełarusi, padobna, farmujecca novaja vajskovaja bryhada, uzbrojenaja «Iskanderami»
Vajskoŭcy dali spravazdaču pra vučeńni ź jadziernaj zbrojaj
Upieršyniu ŭ vajskovym paradzie ŭ Minsku voźmuć udzieł «Iskandery»