USU mianiajuć stratehiju, rychtujučysia da prybyćcia F-16
Ekśpiert vydańnia Bild pa analizie adkrytych danych Juljan Ropkie prakamientavaŭ niadaŭnija videa źniščeńnia va Ukrainie rasijskaha ZRK «Buk-M2» i radyjorelejnaha kompleksu suviazi R-416HM «Hranit-M». Raniej USU taksama atakavali niekalki kompleksaŭ S-300 i S-400, u tym liku ŭ Krymie i pryhraničnych abłaściach Rasii.
15.06.2024 / 17:35
Na dumku Ropkie, amal štodzionnyja ŭdary pa rasijskaj SPA — častka novaj stratehii Ukrainy, raźličanaj na prybyćcio źniščalnikaŭ F-16 na front vosieńniu ci zimoj. Dla Kijeva źniščać rasijskuju SPA ciapier važniej, čym utrymlivać nievialikija sioły na Danbasie. Kali va Ukrainy źjavicca pieravaha ŭ pavietry, to ich možna budzie vyzvalić, ličyć ekśpiert.
«Ukraina staranna i sistematyčna rychtuje vykarystańnie svaich Su-24 z brytanskimi i francuzskimi kryłatymi rakietami, a taksama prymianieńnie F-16, — skazaŭ Bild eks-kiraŭnik apieratyŭnaha štaba Minabarony Hiermanii Nika Łanhie. — Ukraina vykarystoŭvaje dyviersijnyja i śpiecyjalnyja apieracyi, a taksama vysokadakładnuju zbroju dla źniščeńnia rasijskich radaraŭ, sistem pavietranaha nazirańnia i supraćpavietranaj abarony».
Juljan Ropkie, adnak, zhadvaje i słabyja baki novaj stratehii. Pa-pieršaje, u Rasii sotni sistem SPA. Na hety momant źniščana maksimum tracina ź ich. Pa-druhoje, kančatkovaha terminu i płana ŭvodu ŭ boj F-16 da hetaha času niama.
Apublikavali tekst mierkavanaj damovy, jakuju skłali ŭ 2022 padčas rasijska-ŭkrainskich pieramoŭ
Unačy USU raźbili zienitny rakietny dyvizijon S-400 i dva S-300 u Krymie — Hienštab
U Krymie rakietnymi ŭdarami źniščanyja dva radary kompleksaŭ S-300 i S-400 — Hienštab USU
Źjavilisia pieršyja videa ŭdaraŭ «Chajmarsami» pa terytoryi Rasii
Źjavilisia pieršyja videa ŭdaraŭ «Chajmarsami» pa terytoryi Rasii