Kilijan Mbape złamaŭ nos padčas matču z Aŭstryjaj FOTAFAKT
Forvard, jakomu pradrakali zvańnie najlepšaha bambardzira turniru, moža nie zhulać u nastupnych pajadynkach abo budzie vychodzić na pole ŭ mascy.
18.06.2024 / 08:19
Kilijan Mbape złamaŭ nos padčas matču z Aŭstryjaj. Fota: Alessandra Tarantino / AP
Na čempijanatach Jeŭropy eks-forvard PSŽ pakul nie zabivaje, tady jak na dvuch čempijanatach śvietu ŭ jaho 14 miačoŭ, u tym liku vosiem na minułym u tym liku try ŭ finale z Arhiencinaj.
Učora dziakujučy prastrełu Kilijana Maksimiljan Vieber zrezaŭ miač u svaje varoty.
Na 85-j chvilinie Mbape sprabavaŭ hałavoj zamknuć padaču Hryzmana sa štrafnoha, ale vypadkova ŭrezaŭsia nosam u plačo Danso.
Francuz kala dvuch chvilin lažaŭ na hazonie, jaho nos byŭ raźbity ŭ kroŭ, a futbołka była zapeckanaja.
Mbape rvaŭsia na pole: jon biez dazvołu hałoŭnaha arbitra vyjšaŭ na hazon i atrymaŭ žoŭtuju kartku. Potym znoŭ uchapiŭsia za nos i kančatkova pakinuŭ pole.
Forvard, jakomu pradrakali zvańnie najlepšaha bambardzira turniru, moža nie zhulać u nastupnych pajadynkach, abo, chutčej za ŭsio, budzie vychodzić na pole ŭ mascy.
Nastupny matč Francyja zhulaje ŭ piatnicu suprać Niderłandaŭ, abiedźvie kamandy vyjhrali ŭ pieršym tury.
Francyja pieramahła Aŭstryju dziakujučy aŭtahołu supiernika VIDEA
Rumynija razhramiła Ukrainu ź likam 3:0 VIDEA
Z kim mohuć sustrecca minskaje «Dynama», «Tarpieda-BiełAZ» i «Isłač» ŭ jeŭrakubkach