Stali viadomyja imiony zatrymanych na mietałatkanym zavodzie ŭ Lidzie
U Lidzie zatrymali jak minimum 9 rabotnikaŭ mietałatkanaha zavoda Haver. Pryčyna — «ekstremisckija» padpiski i reposty. «Miedyjazona» daviedałasia imiony bolšaści zatrymanych.
19.06.2024 / 11:05
Telehram-kanał siłavikoŭ apublikavaŭ videa pra dzieviać zatrymańniaŭ na lidskim mietałatkanym zavodzie HAVER.
Pavodle infarmacyi «Miedyjazony», havorka idzie pra Hannu Murašku, Jaŭhiena Ašurka, Arcioma Strukava, Vadzima Kachnoviča, Arcioma Ščebata, Siarhieja Šarapava i Michaiła Kucharčyka. Imiony jašče dvuch zatrymanych nieviadomyja.
Na kamieru jany kažuć, što byli padpisanyja ci rabili reposty z «ekstremisckich» hurtoŭ. Pa jakich artykułach ich abvinavačvajuć, nie ŭdakładniajecca.
Siarhiej Šarapaŭ u milicejskim videa skazaŭ, što zjaŭlajecca aficeram zapasu.