Rasija ŭpieršyniu prymianiła va Ukrainie zvyšciažkuju avijabombu novaha typu
U Rasii zajaŭlajuć, što heta pieršy vypadak prymianieńnia bomby takoha kalibru z kiravanym modulem płanavańnia i karekcyi ŭ historyi.
20.06.2024 / 17:13
Skrynšot videa: Flightbomber
Rasija ŭpieršyniu vykarystała va Ukrainie zvyšciažkuju avijabombu FAB-3000. Pra heta paviedamlaje ekśpiert Bild pa analizie adkrytych danych Juljan Ropkie.
Raniej jon užo paviedamlaŭ pra masavaje ŭžyvańnie va Ukrainie samaj ciažkaj na toj momant płanujučaj fuhasnaj avijabomby FAB-1500-M54.
20 červienia źjavilisia paviedamleńni, što na siało Lipcy Charkaŭskaj vobłaści rasijanie skinuli trochtonnuju bombu FAB-3000 M-54 z kiravanym modulem płanavańnia i karekcyi (UMPK).
«Siońnia Rasija skinuła na Ukrainu pieršuju FAB-3000 M-54 UMPK, trapiŭšy ŭ budynak «Novaj pošty» №1 u pryfrantavym pasiołku Lipcy Charkaŭskaj vobłaści. Ciažkaja bomba masaj 3 tony (bajavaja častka 1,2 tony) upała za 15 mietraŭ ad budynka, ale ŭsio adno naniesła jamu surjoznuju škodu», — adznačyŭ Repkie.
Rasijski telehram-kanał Fighterbomber, jaki apublikavaŭ videa z FAB-3000, piša, što heta «pieršaje bajavoje prymianieńnie ŭ historyi čałaviectva bomby takoha kalibru z UMPK».
Pavodle jaho źviestak, «radyus sucelnaha paražeńnia ŭ FAB-3000 230 mietraŭ, a askiepki zachoŭvajuć svaju zabojnuju siłu na dalokaści 1240 mietraŭ».
U Charkavie snarad trapiŭ u šmatpaviarchovy žyły dom. Dziasiatki paciarpiełych
Pryčynaj abvału doma ŭ Biełharadzie była rasijskaja avijabomba ci zienitnaja rakieta
Iran pastaviŭ Rasii najnoŭšyja avijabomby dla ŭdaraŭ pa Ukrainie — Bild