Na prezidenckich vybarach u Iranie lidziruje kansiervatyŭny kandydat
Jon nabiraje 42% hałasoŭ vybarščykaŭ.
29.06.2024 / 07:59
Said Džalili. Fota: Morteza Fakhri Nezhad/IRIB via AP
Kansiervatar Said Džalili, były hałoŭny pieramoŭščyk pa jadziernaj prahramie, lidziruje paśla padliku 8,4 miljona hałasoŭ na vybarach prezidenta Irana, piša Bi-bi-si.
Na hety momant jon nabiraje kala 42% hałasoŭ vybarščykaŭ, što robić imaviernym druhi tur vybaraŭ — jon moža adbycca ŭ nastupnuju piatnicu.
Kandydat-refarmist, deputat iranskaha parłamienta Masud Piezieškijan, jaki lidziravaŭ u pačatku padliku hałasoŭ, zaraz adstaje ad kankurenta na niekalki pracentaŭ.
Choć najvyšejšym kiraŭnikom iranskaj dziaržavy źjaŭlajecca viarchoŭny lidar ajatała Ali Chamieniei, jaki nie vybirajecca, a prezident — druhaja pa značnaści pasada.
Vybary prezidenta ŭ Iranie prachodziać daterminova — papiaredni prezident Ibrachim Raisi zahinuŭ u avijakatastrofie 19 maja.
Kandydataŭ na pasadu vyznačaje Rada vartavych Isłamskaj revalucyi. Na hety raz ułady nie puścili na vybary viadomych umieranych kandydataŭ.