Izrail pamianiaŭ praviły biaźvizavaha ŭjezdu ŭ krainu
Izrail źmianiŭ umovy biaźvizavaha ŭjezdu ŭ svaju krainu, u tym liku i dla hramadzian Biełarusi. Ciapier dla atrymańnia prava na ŭjezd nieabchodna budzie padać śpiecyjalnuju zajavu, choć havorka pra atrymańnie paŭnavartasnaj vizy nie viadziecca.
29.06.2024 / 22:39
Izrail. Fota: Wikimedia Commons
«U adpaviednaści z atrymanaj ad izrailskich uładaŭ aficyjnaj infarmacyjaj, hramadzianie Respubliki Biełaruś, jak i raniej, mohuć padarožničać u Izrail bieź vizy dla karotkaterminovych pajezdak (turystyčnaja, haściavaja, dziełavaja) i zastavacca ŭ krainie da 90 dzion u kožny pieryjad sa 180 dzion», — paviedamiła pasolstva Biełarusi ŭ Izraili.
Źmiena, adnak, budzie ŭ tym, što z 1 žniŭnia 2024 hoda ŭ vypadku karotkaterminovaj pajezdki biełarusy, jak i inšyja zamiežnyja hramadzianie, pavinny buduć mieć admysłovy elektronny dazvoł na ŭjezd u krainu (ETA-IL).
Pavodle infarmacyi ŭpraŭleńnia pa spravach rehistracyi nasielnictva i imihracyi Izraila, dazvoł JETA-IL budzie dziejničać na praciahu dvuch hadoŭ abo da daty zakančeńnia terminu dziejańnia pašparta — u zaležnaści ad taho, što adbudziecca raniej.
Ciaham lipienia hetaha hoda padača zajavy na hety dazvoł budzie biaspłatnaj, ale z 1 žniŭnia hetaja pracedura ŭžo budzie kaštavać 25 šekielaŭ, što pryblizna roŭna 7 dalaram.
U vypadku ŭźniknieńnia dadatkovych pytańniaŭ nieabchodna źviartacca va ŭpraŭleńnie pa spravach rehistracyi nasielnictva i imihracyi Izraila (https://israel-entry.piba.gov.il/, kantaktny adras ETA-IL: eta@piba.gov.il), ci ŭ pasolstva Izraila ŭ Biełarusi.
Paŭnamaštabnaja vajna pamiž Izrailem i «Chiezbałoj» moža pačacca ŭ bližejšy čas
Mužčyna z arbaletam napaŭ na žandara kala pasolstva Izraila ŭ Sierbii
U Izraili z-za doŭhaha jazyka Łukašenki admianili kanfierencyju da 80-hodździa vyzvaleńnia Biełarusi