Францыя па пенальці прайшла Партугалію
Асноўны і дадатковы час скончыліся 0:0.
06.07.2024 / 00:44
Фота: Martin Meissner / AP
А ў серыі пенальці Францыя рэалізавала ўсе ўдары: 5:3.
Герой 1/8 фіналу галкіпер партугальцаў Дыёгу Кошта, што тады адбіў усе тры ўдары, гэтым разам нічым не дапамог. А Жаау Феліш прабіў у штангу.
Крышціяну Раналду на гэтым чэмпіянаце не забіў з гульні ніводнага мяча (толькі двойчы пасляматчавыя пенальці).
Зрэшты ў французаў толькі адзін мяч з гульні (Мбапэ — пенальці з Польшчай), два іншыя — аўтагалы супернікаў.
Францыя згуляе ў паўфінале 9 ліпеня з Іспаніяй, якая сёння ў дадатковы час перамагла Германію з лікам 2:1.
У суботу таксама пройдзе два чвэрцьфіналы.
А 19-й сустрэнуцца Англія і Швейцарыя, а 22-й гадзіне пачнецца матч Турцыя — Нідэрланды.
Іспанія выбіла Германію з хатняга чэмпіянату Еўропы
Турэцкія заўзятары збіраюцца масава паказаць «воўчае вітанне» на матчы Турцыя — Нідэрланды
Івулін збірае беларусаў Варшавы на прагляд фінала Еўра — вось як можна далучыцца