U Rasii pamior brat daradcy Zialenskaha Michaiła Padalaka. Jon słužyŭ u HRU
Miarkujučy pa ŭsim, Uładzimir Padalak pamior 19 maja.
06.07.2024 / 19:18
Fota: KIU. Russian Officers killed in Ukraine
Fota mahiły Uładzimira Padalaka apublikavaŭ prajekt «KIU. Russian Officers killed in Ukraine, jaki adsočvaje śmierci rasijskich vajskoŭcaŭ na vajnie suprać Ukrainy.
Paviedamlajecca, što brat daradcy Zialenskaha Michaiła Padalaka pamior 19 maja va ŭzroście 59 hadoŭ, pry hetym abstaviny śmierci nieviadomyja, piša Sota.
Fakt śmierci paćviardžajecca adkryćciom maskoŭskim nataryusam spadčynnaj spravy.
Pa miedali na fatahrafii na mahile možna zrabić vysnovu, što Uładzimir Padalak słužyŭ u rasijskim Hałoŭnym raźviedvalnym upraŭleńni. Na mahile taksama jość vianok «Ad kalektyvu CPS» — Centra padrychtoŭki śpiecyjalistaŭ HRU.
U 2021 hodzie Michaił Padalak raskazvaŭ, što jahony brat — «daŭno zvyčajny vajskovy piensijanier» i žyvie ŭ Rasii z druhoj pałovy 80-ch hadoŭ. Pry hetym daradca Zialenskaha adznačaŭ, što nie padtrymlivaje suviazi z bratam — maksimum vinšavaŭ jaho z dniom naradžeńnia.
Pavodle źviestak «Vot tak», u 2019 hodzie Uładzimir Padalak byŭ prapisany ŭ Maskvie pa adrasie Vajskovaj akademii Minabarony — heta ŭstanova rychtuje kadry dla rasijskaj vajskovaj raźviedki.
Michaił Padalak raskazaŭ, ci budzie Ukraina vyciahvać z-za krataŭ «rejkavych partyzanaŭ»
Padalak pra zajavy Łukašenki ab kancentracyi ŭkrainskich vojskaŭ la biełaruskaj miažy: Źmienaŭ niama