Polšča bolš nie puskaje biełaruskija aŭtamabili, kali ŭłaśnika niama ŭ sałonie. Što jašče źmianiłasia
Paśla ŭviadzieńnia novaha pakieta sankcyj suprać Biełarusi susiednija krainy Jeŭrasajuza pastupova ŭvodziać usio novyja abmiežavańni ŭ dačynieńni da biełaruskich fizičnych i jurydyčnych asob.
09.07.2024 / 14:39
U Polšču tolki na ŭłasnym aŭto
Palaki pierastali prapuskać praz svaju miažu aŭtamabili na biełaruskaj rehistracyi, kali ŭ sałonie niama ŭłaśnika aŭto.
Pa słovach udzielnikaŭ pamiežnych telehram-čataŭ, nie prapuskajuć navat pry najaŭnaści davieranaści, u tym liku hienieralnaj.
Taksama pad zabaronu na ŭjezd u Polšču patrapili transpartnyja srodki, jakija naležać jurydyčnym asobam.
Atrymlivajecca, što zajechać u Polšču nie zmohuć i tyja aŭtamabilisty, jakija nabyli mašynu ŭ lizinh.
Na što spasyłajucca?
Novyja patrabavańni pačali dziejničać z 9 lipienia. Taksama ŭdzielniki čataŭ adznačajuć, što z 10 lipienia ź Biełarusi ŭ Polšču bolš nielha budzie vieźci cyharety i ałkahol. Takuju infarmacyju ahučvajuć polskija mytniki.
U pryniatym 29 červienia pakiecie sankcyj i techničnym rehłamiencie ES havorycca, što kampietentnyja orhany mohuć dazvolić na ŭmovach, jakija jany paličać metazhodnymi, ujezd u Sajuz transpartnaha srodku, na jaki raspaŭsiudžvajecca dziejańnie mytnaha kodu CN 8703 (lehkavyja transpartnyja srodki).
Z hetaha vynikaje, što kožnaja kraina Jeŭrasajuza maje prava sama vyznačać praviły, pa jakich jana budzie prapuskać na svaju terytoryju transpartnyja srodki ź biełaruskaj rehistracyjaj.
Čamu Polšča zabaraniła vyvaz tavaraŭ fizičnym asobam i jakija tavary ciapier nielha pravieźci?
Nie tolki mašyny z abjomam ruchavika, bolšym za 1,9 litra. Jakija jašče aŭto nielha budzie pryhaniać u Biełaruś
«Dazvolili pakinuć tolki adnu cyharetu». Na łatvijskaj miažy biełarusaŭ prymušajuć vykidać ałkahol, kastruli i nie tolki