U Kijeŭ pryjechaŭ hałoŭny supiernik Orbana, jon ušanavaŭ pamiać zahinułych u vajnie suprać Rasii
Hałoŭny supiernik premjer-ministra Vienhryi Pieter Madziar, lidar apazicyjnaj partyi «Cisa», užo znachodzicca ŭ Kijevie, jon ušanavaŭ zahinułych abaroncaŭ Ukrainy la Ściany pamiaci na murach Michajłaŭskaha Złatavierchaha manastyra.
11.07.2024 / 11:14
Fota z fejsbuka Pietera Madziara
«U Kijevie, la Ściany pamiaci dziasiatkam tysiač ukraincaŭ, jakija zahinuli ŭ vajnie», — napisaŭ jon u fejsbuku.
Palityk dadaŭ, što pačnie bolš padrabiazna raspaviadać pra svaju pajezdku praź niekalki hadzin.
Vienhierski premjer Viktar Orban padčas svajho vizitu ŭ Kijeŭ paźbieh vizitu da Ściany pamiaci, niahledziačy na toje, što heta zusim niedaloka ad vienhierskaha pasolstva, piša Ukrainskaja praŭda.
Pieter Madziar paśla masiravanaj rakietnaj ataki RF u paniadziełak asudziŭ udar pa dziciačaj balnicy «Achmatdziet», a zatym abviaściŭ zbor humanitarnaj dapamohi i miedycynskaha abstalavańnia i anansavaŭ svaju pajezdku ŭ Kijeŭ. Taksama jon paviedamiŭ, što płanuje sustrecca ź vienhierskaj dyjasparaj u Zakarpaćci.
U Vienhryi rezka nabrała papularnaść antyorbanaŭskaja partyja, jakuju stvaryŭ małady palityk
Zialenski patłumačyŭ, čamu Orban nie moža być mirnym pasiarednikam