Kruty prybyŭ u paciarpiełuju ad urahanu Homielščynu. Pierš za ŭsio jon pajechaŭ na ekskursiju ŭ muziej partyzan
Tam kiraŭniku Administracyi raspaviali pra partyzanski ruch padčas Druhoj suśvietnaj vajny.
17.07.2024 / 12:44
Fota: Homielšyna aficyjna
Kiraŭnik administracyi Łukašenki Dźmitryj Kruty adpraviŭsia z rabočym vizitam u Homielskuju vobłaść, surjozna paciarpiełuju ad urahanu.
Adnak spačatku Kruty pajechaŭ nie ŭ paciarpiełyja rajony, a ŭ pamiatnuju zonu «Rubiež» na miažy Lelčyckaha i Žytkavickaha rajonaŭ, piša pres-słužba kiraŭnika Homielskaj vobłaści.
Tam čynoŭnik uskłaŭ kvietki da miemaryjalnaha znaku ŭ honar voinaŭ-vyzvalicielaŭ. Taksama dla Krutoha praviali ekskursiju, padčas jakoj raspaviali pra partyzanski ruch, akupacyju i apieracyju «Bahracijon».
Paśla ekskursii Krutomu pakazali niekatoryja nastupstvy ŭrahannaha vietru.
Aficyjnyja ŚMI paviedamlajuć, što Kruty płanuje naviedać šerah vytvorčych i sacyjalnych abjektaŭ u Lelčyckim, Mazyrskim i Kalinkavickim rajonach.
Nahadajem, na vychodnych pa poŭdni Biełarusi prajšoŭ mahutny ŭrahan. Bolš za 100 tysiač čałaviek na niekalki dzion zastalisia bieź śviatła i vady, było paralizavanaje žyćcio ŭ bujnym rajcentry — Mazyry.
Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać
Minenierha paviedamiła pra adnaŭleńnie elektrazabieśpiačeńnia Mazyra
Prablemy z elektryčnaściu na Mazyrščynie bjuć pa miedycynskich ustanovach
Žychary Mazyra stali ŭ hihanckuju čarhu, kab padzaradzić telefony VIDEA
Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna