У Лідскім раёне электраровар урэзаўся ў аўтобус
ДТЗ адбылося сёння каля 07:50 на 15-м кіламетры дарогі «Ліпнішкі — Ліда».
27.07.2024 / 15:15
46-гадовы мужчына ехаў на электраровары па краі праезнай часткі дарогі правай паласы ў напрамку Ліды.
У нейкі момант ён не справіўся з кіраваннем, выехаў на сустрэчную паласу і ўляцеў у аўтобус МАЗ.
З пашкоджаннямі рознай ступені цяжкасці веласіпедыста даставілі ў бальніцу, паведамляе абласная міліцыя.