Уласнікі крамы Kropka, на якую быў здзейснены напад, абвясцілі збор на рамонт або запрашаюць нешта набыць
У ноч на нядзелю невядомыя напалі на краму, разбіўшы акно і пакінуўшы брыдкі надпіс.
30.07.2024 / 09:54
«Даражэнькія, пазаўчора ноччу на Kropka адбыўся напад, хутчэй за ўсё з боку лукашыстаў, але Kropku nie raźbić, nie spynić, nie strymać!
Таму мы адчыняем рахунак на платформе buymeacoffee, каб вы маглі нам дапамагчы аднавіць шыбы і сцены крамы», — напісалі Зміцер і Вольга Фурманавы ў сваіх сацсетках.
Таксама ёсць магчымасьць нам ахвяраваць наўпрост на банкаўскі рахунак
MB KROPKA
LT977300010185765144
з пазнакай у апісанні словам Parama (падтрымка)
Зміцер і Вольга зазначаюць, што для іх і іх цудоўных майстроў і майстрыц будзе найлепшай падтрымкай, калі вы нешта набудзеце ў краме.
Крама Kropka знаходзіцца ў цэнтры Вільні на вуліцы Савічаў (Savičiaus g. 6) паміж Ратушнай плошчай і корпусам ЕГУ. Працуе з 11:00 да 20:00 штодня.
У ноч на нядзелю невядомыя напалі на краму. Там разбілі акно, а на сцяне напісалі па-літоўску «Вяртайцеся дадому, беларускія свінні».
На беларускай краме Kropka ў Вільні па-літоўску напісалі «Вяртайцеся дадому, беларускія свінні»
Уласнік пашкоджанай крамы Kropka ў Вільні: Па відэа бачна, як чалавек фоткае надпіс
Былы палітвязень з жонкай адкрылі краму сувеніраў — як ідзе справа?