Гурт Aerosmith абвясціў, што больш не будзе гастраляваць
Музыкі адмянілі свой развітальны тур Peace Out, які анансавалі ў маі 2023 года. Яны паспелі правесці тры канцэрты.
03.08.2024 / 11:58
Стывен Тайлер стаіць на раялі падчас выступу ў Элмонце (штат Нью-Ёрк) у верасні 2023 года. Фота: Kevin Mazur / Getty Images
У верасні стала вядома, што фронтмэн Стыў Тайлер пашкодзіў галасавыя звязкі, пасля чаго гурт адклаў астатнія канцэрты ў рамках тура да наступнага года.
«Мы заўсёды хацелі ўразіць вас сваім выступам. Як вы ведаеце, голас Стывена — інструмент, не падобны ні на адзін іншы. Ён правёў месяцы, нястомна працуючы над тым, каб аднавіць голас», — гаворыцца ў заяве гурта ў X.
«Аднак цалкам аднавіць звязкі немагчыма, таму Aerosmith прыняў складанае, але неабходнае рашэнне пакінуць гастрольную сцэну», — заявілі там.
У Стывена Тайлера (імя пры нараджэнні Стывен Віктар Таларыка), які нарадзіўся ў 1948 годзе ў штаце Нью-Ёрк, ёсць беларускія карані. Яго дзед па матчынай лініі Фелікс Чарнышэвіч нарадзіўся ў 1892 годзе ў Клічаве і ў 1914 годзе эміграваў у ЗША, дзе змяніў прозвішча на Бланча. Фелікс — брат пісьменніка польскага паходжання Фларыяна Чарнышэвіча, які нарадзіўся ў 1900 годзе ў маёнтку пад Бабруйскам.
Фларыян Чарнышэвіч — аўтар цікавага рамана «Надбярэзінцы» (1942), у якім апавядаецца пра драматычны лёс жыхароў шляхецкіх засценкаў на землях паміж Бярэзінай і Дняпром у 1911—1920 гадах. У 2017 годзе раман выйшаў па-беларуску.
Queen прадаў свой музычны каталог за $1,27 мільярда — гэта рэкордныя грошы ў музычнай сферы
Канферэнцыю «Новая Беларусь» перанеслі з Варшавы ў Вільню. Прычына вас здзівіць
Прыхільнікі Тэйлар Свіфт скаланулі Зямлю на яе канцэрце ў Шатландыі. У літаральным сэнсе