Francuzskija spartsmieny na alimpijadzie źviartajuć na siabie ŭvahu. Časam pryčyna daloka nie spartyŭnaja
Što, akramia vyniku, vyklikaje burnaje abmierkavańnie balelščykaŭ?
04.08.2024 / 12:32
Žul Buje i Antani Amiraci. Fota: jules_bouyer / Unstagram, Richard Heathcote / Getty Images
Padziei, što razhortvajucca padčas Alimpijady ŭ Paryžy, šyroka abmiarkoŭvajucca ŭ sacyjalnych sietkach. Časam balelščyki źviartajuć uvahu na niekatoryja pikantnyja momanty.
Tak niekalki dzion tamu sacyjalnyja sietki abmiarkoŭvali vuzkija płaŭki 22-hadovaha francuzskaha skakuna ŭ vadu Žula Buje (Jules Bouyer). Karystalniki zadavalisia pytańniem, ci nie zanadta jany jamu ciesnyja.
Kamiery pakazali Buje paśla vychadu z basiejna. Kadr ź videa, na jakich zaŭvažnyja fizijałahičnyja admietnaści mužčyny, staŭ virusnym i vyklikaŭ burnaje abmierkavańnie.
Žul Buje. Fota z sacyjalnych sietak.
Sam spartsmien paźniej zajaviŭ, jak piša Reuters, što chacieŭ by, kab ludzi bolš uvahi nadavali jaho apuskańniam u vadu, a nie płaŭkam.
Balelščyki ź nieciarpieńniem čakajuć aŭtorka, kali pačniecca papiaredni raŭnd indyvidualnych spabornictvaŭ pa skačkach z 3-miatrovaha tramplina, u jakich prymie ŭdzieł i Žul Buje. U minułuju piatnicu jon zaniaŭ piataje miesca ŭ finale sinchronnych skačkoŭ z 3-mietrovaha tramplinu.
Druhi francuzski atlet u svaim vidzie sportu byŭ mienš paśpiachovym, ale jaho vystup taksama staŭ nahodaj dla burnaha abmierkavańnia.
21-hadovy francuzski skakun z šastom Antani Amiraci (Anthony Ammirati) nie zmoh prajści kvalifikacyju ŭ skačkach z šastom. I pryčynaj stała jaho intymnaje miesca, jakim mužčyna zakranuŭ pierakładzinu ŭ čas sproby pieraadoleć vyšyniu ŭ 5 mietraŭ 70 santymietraŭ.
U vyniku Amiraci finišavaŭ 12-m z pakazčykam 5 mietraŭ 60 santymietraŭ i nie prajšoŭ u finał, jaki adbudziecca ŭ paniadziełak.
Za hiendarnym skandałam na Alimpijadzie ŭ Paryžy staić Rasija
«Nas było troje!» Jehipieckaja fiechtavalnica vystupiła na Alimpijadzie na siomym miesiacy ciažarnaści
Sacsietki vybuchnuli paśla sprečnaha epizodu na adkryćci Alimpijskich hulniaŭ