Pavieł Šurmiej, jaki zamianiaje kamandzira, raskazaŭ, što adbyvajecca ŭ pałku Kalinoŭskaha
«Połk imkniecca pazbavicca ludziej, jakija bačyli jaho svaim pryvatnym vojskam».
16.08.2024 / 11:23
Pavieł «Dziadźka» Šurmiej. Skryn videa: Racyja_Belarus / YouTube
Vykanalnik abaviazkaŭ kamandzira pałka Kalinoŭskaha Pavieł «Dziadźka» Šurmiej u intervju radyjo «Racyja» raskazaŭ, što ciapier bajavyja padraździaleńni pałka pracujuć razam nad vykanańniem bajavoj zadačy na ŭschodzie Ukrainy.
Adnosna aktualnaj situacyi ŭ pałku Šurmiej pryznaŭ, što «jość pytańni i prablemy», jakija imknucca vyrašyć jak maha chutčej. Ciapier u pałku adbyvajucca reformy, i «jość tyja, chto imi nie zadavoleny, ličać, što jany nie patrebnyja».
Pa słovach Šurmieja, połk imkniecca «pazbavicca ludziej, dla jakich metaj było nie vyzvaleńnie Biełarusi, a jakija mieli niejkija svaje ŭłasnyja mety adnosna pałka, bačyli jaho svaim pryvatnym vojskam».
Vykanalnik abaviazkaŭ kamandzira raskazaŭ, što ŭ składzie pałka jość piachotnaje padraździaleńnie, artyleryja, padraździaleńni BPŁA, miedyki, suviaź, miechanizavanyja srodki.
Šurmiej dadaŭ, što tankaŭ połk nie maje, bo ich niama dzie vykarystoŭvać. «A źniščalniki abiacali ŭ chutkim časie nam dać. Z hetym taksama ŭsio budzie dobra», — zapeŭniŭ vajar.
Były namieśnik ministra abarony Polščy: Čamu b nie pačać farmavańnie Biełaruskaha lehijona ŭ Polščy?
Kabančuk patłumačyŭ, čamu kalinoŭcy nie zachodziać z rejdami ŭ Biełaruś
Što aznačaje zakryćcio rekrutynhavaha centra pałka Kalinoŭskaha ŭ Varšavie?