Pamierła Tamara Skvarcova
Stała viadoma pra śmierć teatralnaj aktrysy, zasłužanaj artystki Biełarusi Tamary Skvarcovaj. Jana syhrała dziasiatki rolaŭ, ale ŭsio žyćcio była viernaja adnamu teatru — Kołasaŭskamu ŭ Viciebsku, dzie prasłužyła bolš za 50 hadoŭ.
16.08.2024 / 19:50
Tamara Skvarcova
«Na 79-m hodzie žyćcia pierastała bicca serca zasłužanaj artystki Respubliki Biełaruś Taćciany Skvarcovaj», — paviedamiła Ministerstva kultury ŭ svaim telehram-kanale.
Svajo tvorčaje žyćcio Tamara Skvarcova pačała ŭ Kołasaŭskim teatry ŭ 1971 hodzie. Jana syhrała bolš za 80 zapaminalnych rolaŭ. Siarod znakavych — Malvina ŭ «Nieściercy» Vitala Volskaha, Varvara Ivanaŭna ŭ «Kasatcy» Alaksieja Tałstoha, Ahafja Cichanaŭna ŭ hohaleŭskaj «Žanićbie».
Akramia taho, Skvarcova syhrała i niekalki rolaŭ u kino, u tym liku ŭ pieršym biełaruskim sieryjale «Płač pierapiołki» Ihara Dabralubava.
Raźvitańnie z Tamaraj Skvarcovaj adbudziecca 17 žniŭnia ŭ Viciebsku, jaje pachavajuć na Hieorhijeŭskich mohiłkach.
Pamior hienierał-major Mikałaj Skobieleŭ
Pamior krajaznaŭca Eduard Złobin
Pamior ksiondz Uładzisłaŭ Šyšła