Niafiodava raskazała, što płanujuć pastavić na scenie Kupałaŭskaha teatra
U nastupnym hodździe teatr adznačyć 105-hodździe.
30.08.2024 / 10:35
Pastanoŭka pjesy pavodle kamiedyi Uładzisłava Hałubka «Pisaravy imianiny». Fota: «Źviazda»
Mastackaja kiraŭnica Nacyjanalnaha akademičnaha teatra imia Janki Kupały Volha Niafiodava raskazała, što rasijski režysior Dźmitryj Akimaŭ, jaki ŭžo staviŭ tut śpiektakl «A zory tut cichija», budzie pracavać nad śpiektaklem pavodle Dastajeŭskaha «Dziadziečkaŭ son».
U płanach taksama pastanoŭka «Brama nieŭmiručaści» pa kamiedyi Kandrata Krapivy i śpiektakl pa tvory biełaruskaha dramaturha Ułady Alchoŭskaj, pišuć «Minsk-Naviny».
Hienieralny dyrektar teatra Alaksandr Šastakoŭ adznačyŭ, što ŭ novym teatralnym siezonie zapłanavana šmat hastrolnych pajezdak:
«U 2024 hodzie ŭžo ŭ pieršaj pałovie my zrabili bolš za 30 pajezdak».
Nahadajem, u 2020-m padčas pratestaŭ bolšaść trupy pakinuła Kupałaŭski teatr uśled za jaho tahačasnym dyrektaram Paŭłam Łatuškam u znak niazhody z hvałtam.