Mietearołahi patłumačyli, čamu dym nad našymi hałovami nie raźviejvajecca
Tłumačeńnie situacyi dajecca ŭ śpiecyjalizavanym telehram-kanale @nadvorie.
08.09.2024 / 21:24
«Ciapier asablivaści atmaśfiernaj cyrkulacyi takija, što z zachodam sonca znoŭ razaŭjecca, a zaŭtra da ranicy jašče i ŭzmocnicca tempieraturnaja inviersija.
Narmalnaje raźmierkavańnie tempieratury pavietra — heta padzieńnie tempieratury prykładna na 1°C na kožnyja 100 m vyšyni. Inviersija, jak niaciažka zrazumieć — naadvarot, jaje pavyšeńnie.
Na dyjahramie — prahnoz da zaŭtrašniaj ranicy. Atrymlivajecca, što kala pavierchni (185 m, vyšynia Śmiłavič nad uzroŭniem mora) prahnazavanaja tempieratura budzie +12.5°, a na vyšyni 600 m — + 19.5°. Takim čynam, taŭščynia inviersijnaha płasta składzie ~400 m, a hłybinia inviersii atrymlivajecca až 7°.
Pry płaście inviersii takoj mahutnaści nijakija viertykalnyja turbulentnyja ruchi, jakija raśsiejvajuć u svabodnuju atmaśfieru dymy (navat pryniesienyja zdaloku), vychłapy aŭtamabilaŭ i inšy brud, robiacca niemahčymymi. Što my, ułasna kažučy, i nazirajem dy niuchajem», — piša aŭtar kanała.
U Lelčycach Dzień horada praviali ŭ dymie z čarnobylskaj zony
Pad Minskam na pažary zahinuli amal 100 tysiač kuraniat