Charys: Pucin źjeŭ by Trampa na abied
Jana vykazała zdahadku, što płan Trampa zaviaršyć kanflikt va Ukrainie za dzień palahaje ŭ tym, što jon «paprostu zdaść pazicyi».
11.09.2024 / 07:57
Fota: Rebecca Blackwell / AP
Kali b respublikaniec Donald Tramp zastavaŭsia ŭ Biełym domie, Uładzimir Pucin «siadzieŭ by ciapier u Kijevie i nie zvodziŭ vačej z astatniaj Jeŭropy, pačynajučy z Polščy, zajaviła Kamała Charys padčas debataŭ.
«Čamu b vam nie raskazać 800 tys. amierykancam polskaha pachodžańnia prama tut, u Piensilvanii, jak chutka vy b zdalisia dziela dobrazyčlivaści i taho, što vy ličycie siabroŭstvam ź viadomym dyktataram, jaki źjeŭ by vas na abied», — skazała Charys.
Jana vykazała zdahadku, što płan Trampa zaviaršyć kanflikt za dzień palahaje ŭ tym, što jon «paprostu zdaść pazicyi». Pavodle jaje słoŭ, jeŭrapiejskija sajuźniki ZŠA byli radyja pieramozie Bajdena ŭ 2020 hodzie na vybarach prezidenta, a taksama ŭchvalajuć vajennuju dapamohu Ukrainie.
Tramp, kažučy pra kanflikt, raspavioŭ pra pavahu z boku Pucina i ŭkrainskaha prezidenta Uładzimira Zialenskaha, a taksama dobryja stasunki z abodvuma prezidentami. Jon rastłumačyŭ, što jašče da inaŭhuracyi pahavoryć z kožnym ź ich paasobku, a zatym «źviadzie ich razam».
«Bajden paniaćcia nie mieŭ, jak ź im razmaŭlać, jon paniaćcia nie mieŭ, jak heta spynić…>. I situacyja stanovicca tolki horšaj» i heta moža pryvieści da Treciaj suśvietnaj vajny», — dadaŭ Tramp.
Debaty Trampa i Charys. Hałoŭnaje
Tramp i Charys amal zraŭnialisia ŭ apytańniach
Pucin zajaviŭ, što padtrymlivaje Charys na vybarach u ZŠA, bo jana zaraźliva śmiajecca