Zialenski: Rasijski nastup na Kurščynie idzie pavodle ŭkrainskaha płanu
Prezident Ukrainy raspavioŭ pra kontrnastupleńnie rasijskich vojskaŭ u Kurskaj vobłaści i ŭzhadaŭ Biełaruś.
12.09.2024 / 15:37
Uładzimir Zialenski. Fota: AP Photo / Evgeniy Maloletka
Uładzimir Zialenski na pres-kanfierencyi ź litoŭskim kaleham Hitanasam Naŭsiedam paćvierdziŭ, što rasijskija vojski pačali kontrnastup u Kurskaj vobłaści. Ź jahonych słoŭ, usio idzie pavodle ŭkrainskaha płanu, piša «RBK-Ukraina».
«Rasiejcy pačali kontrnastupalnyja dziejańni. Usio idzie pa našym ukrainskim płanie. Što tyčycca Biełarusi… Navału bačym. Bačym daŭno. Kantralujem hety praces», — zajaviŭ Zialenski.
Rasijskija pravajennyja błohiery raspaviali pra pačatak kontrnastupu 10 vieraśnia.
Minabarony Rasii siońnia zajaviła ab uziaćci 10 siołaŭ u Kurskaj vobłaści. Pavodle zajavy viedamstva, na praciahu dvuch sutak u vyniku kontrnastupleńnia ŭ Kurskaj vobłaści na pazicyi USU «vyzvalena 10 nasielenych punktaŭ: Apanasaŭka, Biachava, Višnioŭka, Viktaraŭka, Vniezapnaje, Hardziejeŭka, Krasnaakciabrskaje, Abuchoŭka, Snahaść i 10-y Akciabr».