U Zimbabve z-za zasuchi źbirajucca zabić 200 słanoŭ
Ministerstva achovy navakolnaha asiarodździa Zimbabve zajaviła, što ciapier u krainie «žyvie bolš słanoŭ, čym treba». U vyniku administracyja parku dzikaj pryrody ZimParks atrymała zahad adabrać žyvioł, jakija buduć zabityja. Pa słovach pradstaŭnikoŭ uładaŭ, takoje rašeńnie dapamoža kantralavać papulacyju słanoŭ, jakaja chutka raście, a taksama dazvolić lahčej spravicca z nastupstvami ekstremalnaj zasuchi, piša Bild.
14.09.2024 / 16:26
Zdymak ilustracyjny. Fota: pexels.com
Kiraŭnik zapaviednika ZimParks Fułtan Manhvańja paviedamiŭ ahienctvu AFP, što ahułam ułady majuć namier pazbavicca ad 200 słanoŭ.
Usiaho ŭ Zimbabve žyvie kala 100 tysiač słanoŭ, kraina ličycca druhoj pa papulacyi hetych žyvioł paśla Batsvany. Apošni raz słanoŭ u Zimbabve adstrelvali ŭ 1988 hodzie.
Raniej abviaściła ab źniščeńni 700 dzikich žyvioł, uklučajučy słanoŭ i biehiemotaŭ, Namibija. Heta taksama vymušanyja rabić z-za najmacniejšaj za apošnija dziesiacihodździ zasuchi. Kala 160 žyvioł užo zabityja, paviedamiła ministerstva navakolnaha asiarodździa Namibii.
Hetaja miera zaklikanaja źmienšyć spažyvańnie vodnych zapasaŭ i zabiaśpiečyć miasam tysiačy ludziej, jakija haładajuć z-za zasuchi. Praŭda, rasparadžeńnie ŭrada sustrełasia z rezkaj krytykaj z boku abaroncaŭ pravoŭ žyvioł.
Zimbabve i Namibija ŭvachodziać u hrupu paŭdniovaafrykanskich krain, jakija abviaścili z-za zasuchi nadzvyčajnaje stanovišča.
Prezident Batsvany pahražaje padaryć Hiermanii 20 000 słanoŭ
U Zambii sustreča hrupy turystaŭ sa słanom skončyłasia trahiedyjaj
Kałumbija choča sterylizavać «kakainavych biehiemotaŭ», jakija razmnažajucca što durnyja