Ukrainskim pałonnym siońnia pierad abmienam uručyli pakiety z łukašenkaŭskaj simvolikaj
Praktyčna va ŭsich ukraincaŭ, jakich siońnia abmianiali na rasijskich vajennapałonnych, pry ruchu ad biełaruskaha pamiežnaha pierachodu da ŭkrainskaha byli ŭ rukach adnolkavyja pakiety z konturam Biełarusi, busłami i čyrvona-zialonymi pałosami.
14.09.2024 / 18:12
Pry hetym rasijskija vajskoŭcy, zafiksavanyja na videa pa darozie ad biełaruskaj miažy da Homiela, takich pakietaŭ nie mieli, adznačaje «Fłahštok».
Paźniej biełaruskaja prapahanda patłumačyła, što ŭ padarunkavych pakietach byŭ suchpajok.
Ukraina i Rasija 14 vieraśnia praviali abmien pałonnymi ŭ farmacie 103 na 103. Pieravažnaja bolšaść vyzvalenych ukraincaŭ byli ŭ rasijskim pałonie ź pieršych miesiacaŭ vajny, mnohija prymali ŭdzieł u abaronie Maryupala i «Azoŭstali».
U Rasiju viarnuli sałdat terminovaj słužby, jakija trapili ŭ pałon u Kurskaj vobłaści.
Jak i zaŭsiody pry takich abmienach, rasijanie, jakija viarnulisia z ukrainskaha pałonu 14 vieraśnia, vyhladajuć dobra nakormlenymi, a ŭkraincy — chudymi i zmučanymi.
Jašče adzin abmien pałonnymi adbyŭsia na miažy Biełarusi i Ukrainy
Rasija i Ukraina praviali čarhovy abmien vajennapałonnymi. Jon iznoŭ adbyŭsia na miažy Biełarusi
Ukraina zabaraniła rasiejskim vajennapałonnym telefanavać svajakam