Ad vybuchu pejdžara «Chiezbały» paciarpieŭ pasoł Irana ŭ Livanie
Siarod paciarpiełych ad vybuchaŭ pryład suviazi ŭ Livanie jość i pasoł Irana ŭ hetaj krainie Madžtaba Amani. Pra jaho ranieńnie paviedamiła iranskaje ahienctva Mehr.
17.09.2024 / 17:42
Usiaho, jak paviedamlajecca, u vyniku cełaj sieryi vybuchaŭ u roznych kutkach Livana paciarpieli bolš za 1500 čałaviek, siarod jakich mnostva dziaciej.
Miascovych žycharoŭ masava zaklikajuć zdavać kroŭ u balnicach.
Bolšaja častka vybuchaŭ adbyłasia ŭ stalicy krainy Biejrucie. Na raspaŭsiudžanych kadrach z kamier videanazirańnia pakazana, jak u publičnych miescach, u tym liku na rynku, vakoł ludziej u cyvilnym adzieńni rezka ŭźnikajuć nievialikija vybuchi. Niekatoryja paciarpiełyja stracili kaniečnaści, inšyja ściakajuć kryvioj, paviedamlajuć miascovyja ŚMI.
Usich uładalnikaŭ padobnych pejdžaraŭ zaklikajuć nieadkładna pierastać ich vykarystoŭvać.
«Jon byŭ jak pryvid». Jak Izrail zmoh zabić adnaho z kamandziraŭ «Chiezbały»
«Chiezbała» paviedamiła pra hatoŭnaść pačać vajnu suprać Izraila paśla zabojstva Ismaiła Chanii
Iran, Turcyja, chusity i «Chiezbała» pahražajuć Izrailu paśla zabojstva lidara CHAMAS