Stali viadomyja padrabiaznaści žorstkaha zabojstva amierykanskaha Z-błohiera Bentli ŭ Daniecku
Rasijskija śledčyja identyfikavali troch rasijskich vajskoŭcaŭ, jakija zakatavali amierykanca.
20.09.2024 / 09:38
U krasaviku 2024 hoda ŭ padkantrolnym rasijanam Daniecku prapaŭ amierykanski błohier Raseł «Techas» Bentli.
Ciapier «Baza» publikuje padrabiaznaści historyi ad rasijskich śledčych
8 krasavika 2024 hoda Vital Vansiacki, Uładzisłaŭ Ahalcaŭ i Andrej Iardanaŭ źbili da śmierci i padvierhli katavańniam Raseła Bentli. U toj ža dzień Vansiacki i Ahalcaŭ padarvali aŭtamabil VAZ 2115 ź jaho ciełam, vykarystoŭvajučy traciłavuju šašku.
9 krasavika 2024 hoda pa ŭkazańni Vansiackaha vajskoviec toj ža vajskovaj čaści Bažyn vyviez astanki Bentli ź miesca zdareńnia.
Na ŭsich hetych vajskoŭcaŭ zaviali kryminalnuju spravu.
Zabitamu Resału Bentli pa mianušcy «Techas» było 64 hady. Jon rodam sa štata Techas, pracavaŭ tam lesarubam.
Mužčyna pachodziŭ z zamožnaj siamji, ale va ŭzroście kala 30 hadoŭ razyšoŭsia ź blizkimi praz kamunistyčnyja pohlady. Taksama ŭ minułym jon byŭ aktyvistam, jaki ahitavaŭ za lehalizacyju marychuany, jakoj handlavaŭ, za što atrymaŭ piać hadoŭ turmy.
Paśla pieršaha ŭvarvańnia Rasii va Ukrainu, mužčyna, natchniony kamunistyčnaj ahitacyjaj pra «narodnyja respubliki» i «nacysckuju Ukrainu», pajechaŭ u Danieck. Jon pačaŭ vajavać u bataljonie «Uschod», jakim kiravaŭ pierabiežčyk z SBU Alaksandr Chadakoŭski. Udzielničaŭ u bajach za Daniecki aeraport.
Praz uzrost nie zmoh praciahvać udzieł u bajavych dziejańniach i pakinuŭ front. Adnak z Rasii jon nie źjechaŭ, ažaniŭsia z nastaŭnicaj ruskaj movy i ź viasny 2015 hoda supracoŭničaŭ z rasijskimi prapahandystami ŭ jakaści vajennaha karespandenta.
Bentli źnik 8 krasavika 2024 hoda padčas abstrełu Daniecka. Jon pajechaŭ dapamahać paciarpiełym, ale tak i nie viarnuŭsia. Paźniej była znojdziena jaho mašyna, a ŭ joj biejsbołka, akulary i raźbity telefon.
Spačatku žoncy skazali, što jon «zdymaŭ techniku dla USU», ale tyja, z kim raniej vajavaŭ Raseł, adšukali jahony telefon i vyśvietlili, što jon u hety dzień ničoha nie zdymaŭ.
Raseł Bentli (krajni z pravaha boku) padčas bajoŭ za Daniecki aeraport. Fota ź jahonaj staronki «Ukantakcie»