Pałova bojeprypasaŭ, jakija rasijskaja armija vykarystoŭvaje va Ukrainie, paŭnočnakarejskija
Paŭnočnaja Kareja pieradaje Rasii kala 3 miljonaŭ snaradaŭ za hod.
05.10.2024 / 14:14
Eks-ministr abarony Rasii Siarhiej Šajhu padčas vizitu ŭ KNDR u lipieni 2023 hoda. Fota: Korean Central News Agency / Korea News Service via AP
Paŭnočnaja Kareja pastaŭlaje ŭ Rasiju kala 3 młn snaradaŭ na hod, heta pałova ŭsich bojeprypasaŭ, jakija rasijskaje vojska vykarystoŭvaje na vajnie va Ukrainie, paviedamili The Times krynicy ŭ zachodniaj raźviedcy.
Pavodle ich źviestak, niahledziačy na drennuju jakaść bojeprypasaŭ z KNDR, ich ahulnaja kolkaść dazvoliła rasijskim vojskam zadavolić snaradny hoład i damahčysia pośpiechaŭ na froncie, takich, jak zachop Vuhladara.
Kiraŭnik ukrainskaj raźviedki Kirył Budanaŭ zajaŭlaŭ, što pastaŭki snaradaŭ z KNDR schilajuć čašu vahaŭ na karyść Rasii.
«Naša samaja vialikaja prablema z usich hetych sajuźnikaŭ Rasii — heta Paŭnočnaja Kareja. Bo z tym abjomam vajennaj pradukcyi, jaki jany pastaŭlajuć, jany faktyčna ŭpłyvajuć na intensiŭnaść bajavych dziejańniaŭ», — kazaŭ jon.
U kancy červienia The Washington Post pisaŭ, što Paŭnočnaja Kareja pastaviła ŭ Rasieju blizu 1,6 młn artyleryjskich snaradaŭ sa žniŭnia minułaha hoda da studzienia 2024 hoda, nahadvaje The Moscow Times.