U Biełarusi zabaranili adzieńnie viadomych polskich brendaŭ
U rejestr niebiaśpiečnaj pradukcyi Dziaržstandartu trapiła adzieńnie viadomych polskich marak masmarkieta: Reserved, Sinsay i House ad kampanii LPP. Pad zabaronaj apynulisia niekatoryja vyraby hetych brendaŭ.
08.10.2024 / 17:05
Dziciačuju kurtku i kamizelku brenda Reserved zabaranili z-za nieadpaviednaści patrabavańniam pa hihraskapičnaści: rečy ŭbirajuć i addajuć vilhać horš, čym rehłamientujuć praviły. Standarty dapuskajuć pakazčyk nie mienš za 6%, a ŭ hetych rečaŭ — 2,6 i 1,5% adpaviedna.
Žanočyja pižamy Sinsay taksama nie prajšli pravierku z-za hihraskapičnaści: pry standarcie nie mienš za 6% u ich było 1,1 i 1,6%.
Taja ž pryčyna zabarony i ŭ žanočych pižamach House. U vyrabaŭ hihraskapičnaść na ŭzroŭni 3,3 i 3,5% pry normach nie mienš za 6%.
Zajaŭlenuju vopratku zabaroniena ŭvozić i pradavać, a ŭžo ŭviezienyja partyi vyklučać z abaračeńnia.
Zabarona ŭstupić u siłu z 14 kastryčnika.
Dziaržstandart amnistavaŭ viadomy pralny parašok
U Biełarusi zabaranili papularnuju marku aleju
Dziaržstandart zabaraniŭ papularnyja pralnyja paraški z Baranavičaŭ