U Minsku i Hrodnie źjaviłasia supierchutkaja zaradka dla elektrakaraŭ
Na stajancy kala staličnaha hipiermarkieta «Jeŭraopt» na vulicy Mantažnikaŭ, 2 zapuścili dźvie zaradnyja stancyi mahutnaściu 160 kVt. Pra heta paviedamili pradstaŭniki brenda Zaryadka.
09.10.2024 / 16:25
Kažuć, treba ŭsiaho 20 chvilin, kab zaradzić aŭto da 80%. Adnačasova kompleks moža padsiłkoŭvać enierhijaj dźvie mašyny.
Jašče adna novaja stancyja, pastaŭlenaja tam ža, vydaje 50 kVt.
Hetyja zaradki — biełaruskaj vytvorčaści. Na stancyi vykarystoŭvajuć univiersalnaje abstalavańnie, uklučajučy kabieli CCS2 i GBT. Na ich možna zaradžać elektramabili jak jeŭrapiejskaj, tak i kitajskaj vytvorčaści.
Taksama padobnyja zaradnyja stancyi źjaviłasia ŭ Hrodnie (vuł. Cimirazieva, 8) i Viciebsku (pr. Maskoŭski, 130/1). Mahutnaść u abiedźviuch — 70 kVt, adnačasova da ich mohuć padklučycca dva elektramabila.
Apłacić zaradku možna praz mabilnuju prahramu Zaryadka, jakaja spampoŭvajecca praz App Store ci Google Play. Na karcie adznačanyja zaradnyja stancyi, u anłajnie možna adsočvać ich biahučy status — zaniatyja abo volnyja. Praduhledžana kruhłasutačnaja padtrymka.
U najbližejšych płanach, raskazvajuć pradstaŭniki brenda, adkryćcio jašče niekalkich zaradnych stancyj. U pryjarytecie — pašyreńnie sietki Zaryadka ŭ Minsku. Zaradku mahutnaściu 80 kVt abiacajuć ustalavać i ŭ Breście.
Prodažy aŭtamabilaŭ i elektramabilaŭ u Biełarusi bjuć histaryčnyja rekordy
Dyziel moža pieramahčy elektramabili? Jak jeŭrapiejski aŭtapram akazaŭsia na miažy kryzisu
Narviehija stała pieršaj krainaj, dzie kolkaść elektrakaraŭ pieravysiła kolkaść bienzinavych mašyn
ES padtrymaŭ značnaje pavyšeńnie pošlin na kitajskija elektramabili