U centry Vilni ŭčora ŭpaŭ mieteazond z kantrabandaj
U sieradu ŭviečary ŭ palicyju Vilenskaj akruhi pastupiła paviedamleńnie pra try mieteazondy z kantrabandaj, piša Delfi.lt.
10.10.2024 / 08:29
Ilustracyjnaje fota VSAT
Palicyja infarmavała, što pieršaje paviedamleńnie pastupiła ŭ 22:12. U Šyrvinckim rajonie ŭ dvor da mužčyny prylacieŭ bieły mieteazond z hruzam. Unutry byli kantrabandnyja cyharety. U 22:38 pastupiła paviedamleńnie, što na poŭdni Vilni, u Nižnich Paniarach, u dvor da mužčyny prylacieŭ bieły mieteazond ź nielehalnymi cyharetami.
U 22:52 u palicyju paviedamili pra taki ž latučy abjekt u centry Vilni, na parkoŭcy kala handlovaha centra CUP. U skrynkach taksama byli znojdzieny cyharety.
Akaličnaści hetych vypadkaŭ vyśviatlaje palicyja. Apošnim časam pačaścilisia vypadki takoj kantrabandy, niadaŭna taki zond upaŭ u Vilenskim aeraporcie.