Urad znoŭ uvioŭ licenzavańnie na vyvaz jabłyk, cybuli i kapusty
Saŭmin na try miesiacy ŭvioŭ licenzavańnie vyvazu biełakačannaj kapusty, jabłykaŭ i repčataj cybuli. Adpaviednuju pastanovu padpisaŭ premjer-ministr Raman Hałoŭčanka.
11.10.2024 / 07:47
Vyvaz hetaj pradukcyi, niezaležna ad krainy pachodžańnia, za miežy Biełarusi budzie ažyćciaŭlacca pa razavych licenzijach, jakija vydajucca MARH pa ŭzhadnieńni z abłvykankamami abo Minskim harvykankamam.
Rašeńnie ab mahčymaści vydačy takoj licenzii buduć prymać upaŭnavažanyja orhany.
«Dakumient padpisany z metaj zabieśpiačeńnia ŭnutranaha rynku sielskahaspadarčaj pradukcyjaj u mižsiezonny pieryjad u poŭnym abjomie», — havorycca ŭ paviedamleńni pres-słužby ŭrada.
Ciaham apošnich hadoŭ takoje licenzavańnie ŭvodziłasia dvojčy.