Va Ukrainie raskrytykavali prezidenta MAK za sustreču z Ksienijaj Sankovič
Kiraŭnica fiederacyi lohkaj atletyki Ukrainy Volha Saładucha na svajoj staroncy ŭ fejsbuku žorstka raskrytykavała prezidenta Mižnarodnaha alimpijskaha kamiteta Tomasa Bacha za ciopłuju sustreču z hienieralnaj sakratarkaj NAK Biełarusi Ksienijaj Sankovič, jakaja adbyłasia 12 kastryčnika ŭ Łazanie.
14.10.2024 / 19:24
Ksienija Sankovič i Tomas Bach u Łazanie
«Ledź nie štodnia hinuć našy atlety. Rasija pry padtrymcy Łukašenki razburaje našy stadyjony, spartkompleksy, spartyŭnyja škoły, zabivaje našych dziaciej. Kiraŭnik MAK pry hetym nie znachodzić času na salidarnaść z Ukrainaj, ale čamuści zaŭsiody hatovy abniacca z našymi vorahami», — napisała Saładucha, adznačajučy, što heta «vielmi prykra i baluča bačyć».
«Abdymki z łukašenkaŭskimi spartyŭnymi prapahandystami aznačajuć, što Bach kančatkova abraŭ bok ahresara i choča jaho poŭnaj reabilitacyi ŭ śviecie sportu», — śćviardžaje Volha Saładucha i dadaje:
«Vidavočna, takija kroki Tomasa Bacha źjaŭlajucca kulminacyjaj jaho pastupovaha drejfu ŭ bok prarasijskich sił».
Tomas Bach dabyvaje na pasadzie prezidenta MAK, jakuju zajmaje z 2013 hoda, apošni hod. Vybary novaha kiraŭnika arhanizacyi zapłanavanyja na sakavik 2025 hoda na siesii arhanizacyi ŭ Hrecyi, a Bach bałatavacca na novy termin nie budzie.
Ksienija Sankovič naviedała Mižnarodny alimpijski kamitet
Stała viadoma, chto moža ŭznačalić Mižnarodny alimpijski kamitet
Prezident MAK vyrašyŭ nie trymacca za svaju pasadu